Мајката и сестрата на пејачката Мараја Кери, Патриша и Алисон, починаа во ист ден за време на викендот.
„Срцето ми е скршено затоа што минатиот викенд ја изгубив мајка ми. За жал, мојата сестра го загуби животот истиот ден“, изјави Кери во понеделникот, а пренесе Би-би-си.
Таа не ја откри причината за смртта на нејзината мајка и сестра.
Мајката на Мараја Кери, Патриша (87) била поранешна оперска пејачка со ирско-американско потекло.
Во своите мемоари од 2020 година, „Значењето на Мараја Кери“, Мараја Кери напиша дека имала комплициран однос со нејзината мајка, но постојано има изјавено дека секогаш и се заблагодарувала на нејзината мајка што ја вклучила во музиката.
Во своите мемоари, Мараја Кери напишала и дека се дистанцирала од нејзината сестра и брат Морган, наведувајќи дека „емотивно и физички е побезбедно да нема никаков контакт со нив“.
