Смртта на актерката Хејден Панетјер наводно ја предизвикала една таблета, а повеќе полициски извори веруваат дека станува збор за оксикодон со примеси на фентанил.
Истрагачите се сомневаат дека лекот го набавила на црниот пазар од долгогодишен дилер. За деталите од истрагата пишува „ТМЗ“.
Извори со непосредни сознанија за случајот наведуваат дека Панетјер во Лос Анџелес имала долгогодишен дилер кој ѝ набавувал различни лекови од црниот пазар, меѓу кои и оксикодон.
Според достапните информации, актерката дел од лековите што ги купила од него ги консумирала за време на летот од Лос Анџелес кон Јужна Каролина, ден пред смртта. Властите веруваат дека утрото кога починала земала уште една таблета оксикодон, за која се претпоставува дека била контаминирана со фентанил.
Американската Агенција за борба против наркотиците (ДЕА) активно ја истражува врската меѓу Панетјер и нејзиниот дилер и се обидува да влезе во трага на таблетата која ја предизвикала смртта.
Во истрагата, покрај локалната полиција, се вклучени и канцелариите на ДЕА во Јужна Каролина и Лос Анџелес. Случајот потсетува на случајот со раперот Мак Милер, чиј дилер беше осуден затоа што му продал дрога со фентанил, што довело до смртоносно предозирање.
Полициските извори наведуваат дека конечната причина за смртта ќе ја потврдат токсиколошките наоди, кои сè уште се очекуваат. Сепак, нивната главна теорија е дека смртта била предизвикана од таблета оксикодон која содржела фентанил.
Кога итната помош пристигнала во апартманот во кој се наоѓала со своето момче Брајан Хикерсон, тој им предал торба со нејзините лекови на рецепт.
Доколку се покаже дека некоја од тие таблети содржела фентанил, тоа би претставувало важна трага во истрагата. Хикерсон пред пристигнувањето на итната помош се обидел да ја реанимира со Наркан, лек кој се користи при предозирање со опиоиди, но без успех.
