Поранешниот кошаркар на Партизан, Ѓорѓе Гагиќ, се потсети на деновите поминати во белградскиот клуб и откри дека најсилен впечаток врз него оставил сегашниот капитен на репрезентацијата на Србија, Богдан Богдановиќ.
Гагиќ, кој во својот прв мандат со Партизан настапуваше во Евролигата и освои две шампионски титули во Србија, истакна дека Богдановиќ отсекогаш бил пример за посветеност и напорна работа.
„Тој е победник, борец и голем работник. Заслужи сè што постигна во кариерата и заслужено е капитен на репрезентацијата. Се сеќавам дека многупати нè пречекуваше на тренинг кој почнуваше во 9:30 часот, а тој веќе од седум часот наутро беше во салата. Потоа повторно имавме вечерен тренинг што траеше повеќе од два часа“, изјави Гагиќ.
Богдановиќ следната сезона ќе ја започне својата десетта сезона во НБА лигата. По периодот исполнет со повреди и ограничена минутажа во Лос Анџелес Клиперс, српскиот кошаркар кариерата ќе ја продолжи во Хјустон Рокетс.
