Поранешната актерка во филмови за возрасни Линдзи Брук, на „Тредс“ одговарала на прашањата на своите следбеници за нејзиното искуство.
Линдзи Брук се осврнала и на употребата на вештачката интелигенција, особено на содржините создадени со дипфејк.
Брук навела дека 17 години поминала во индустријата за возрасни, а разговорот го започнала откако, како што напишала, ги прегледала пораките што луѓето ѝ ги испраќаат на Инстаграм.
Објаснила дека многумина претпоставуваат дека поради нејзината поранешна работа е отворена за прашања за сексот, врските и телото. На прашањето за најдобрите и најлошите делови од снимањето сцени, кратко одговорила:
„Најдобриот дел? Па, кога ќе заврши. Најлошиот дел: секс со потполно непознат човек.“
Додала дека заработувала околу 1.500 долари по сцена, што го опишала како недоволно, а темпото на снимање варирало од година до година.
Зборувајќи за условите за работа, рекла дека во индустријата за возрасни има и добри и лоши места за работа.
„Постојат одлични компании за кои сакав да работам, но и други сетови од кои си заминав“, навела таа.
Брук се осврнала и на употребата на вештачката интелигенција, особено на содржините создадени со дипфејк.
„Не сум за тоа некој да го користи ликот на друга личност без нејзина согласност. Користењето на женското лице без нејзиното ‘да’ е истиот стар проблем со нови алатки“, порачала таа.
На прашањето како се чувствувала пред снимањето, Брук рекла дека не била возбудена, туку дека се дистанцирала од себе и влегувала во улогата. Признала и дека користела дрога за да се справи со работата:
„Дрогата ми го олеснуваше тоа. Ја користев за да не чувствувам додека сум на сет и да чувствувам додека сум дома.“
Како мајка на три деца, се обидувала да ја напушти индустријата по раѓањето на детето, но, според нејзините зборови, финансискиот притисок и стигмата поради нејзиното работно минато ја враќале назад.
Во 2024 година, пред потпишувањето на нов договор, проголтала голема доза таблети и преживеала.
Оттогаш е трезна и се занимава со едукација на други за реалноста на индустријата за возрасни. Во објава на „Сабстак“ порачала дека целата индустрија е изградена врз илузии и ги предупредила гледачите да се запрашаат зошто сè уште ја гледаат оваа содржина.
