#ФАЦИ

Поранешниот водител Гоце Андреевски стана татко, ќерката Јована најголема радост

Поранешниот водител и сегашен портпарол на МВР Гоце Андреевски стана татко. Тој и неговата сопруга Даниела ја добија ќерката Јована. Гоце и Даниела ја чуваа бременоста во тајност, па јавноста се изненади кога некогашниот водител откри дека има бебе.

„Добре дојде наше мало девојче“, објави слика тој на инстаграм-стори.

За потсетување, Гоце и Даниела се свршија во Охрид во 2020 година, а се венчаа лани во август. Гоце е познат по тоа што не открива многу за приватниот живот, но во по свршувачката често споделуваше слики со Даниела.

Додека работеше во телевизија, Гоце ја водеше емисијата „Црвена линија“, но во јавноста е најпознат како Гоце од „Утринска на Телма“, емисија која ја водеше четири години со Цеце Трајковска, Марко Марк и Елена Митева. Тој во „Телма“ работеше неколку години, а ги водеше и емисиите поврзани со ракометните првенства до моментот кога не стана портпарол на Министерството за внатрешни работи. Претходно, работеше и како водител во „Алфа“.

Извор: Репортер.мк

Поврзани тагови:

#ФАЦИ

Ареа ќе одржи акустичен концерт во Битола на 7. октомври

Ареа ќе одржи акустичен концерт во Битола, на 7. октомври. „Предходната година го издадовме новиот албум „Љубов е“ и до сега имавме повеќе, концертни настапи во повеќето места во Македонија меѓу кои и во Битола. Овој пат решивме тоа да биде акустичен концерт, каде во една поинаква и поинтимна атмосфера публиката ќе може да ужива во нашите песни.

Концертот под наслов „Area Unplugged“ ќе се случи за прв пат на сцената во Центарот за култура во Битола, со почеток во 20 часот,“ информираат од Ареа.

#ФАЦИ

Песни од Тоше, Гоце Арнаудов, Влатко, Есма, Драган Вучиќ на канцерот „Легендите живеат вечно“

Под мотото „Легендите живеат вечно“, на 28-ми октомври во „Македонска филхармонија“ ќе се одржи концерт во чест на оние кои прерано си заминаа, со цел да им се одаде почит за се она што го оставија зад себе. Ја испишаа музичката историја, а можеа уште толку многу.

Ќе се пеат песните на Тоше Проески, Влатко Илиевски, Есма Реџепова, Гоце Арнаудов, Зафир Хаџиманов, Драган Вучиќ како и многу други. Картите за овој настан се веќе пуштени во продажба и истите ќе имате можност да ги купите преку продажната мрежа на www.kupikarta.com, Розе Веро 2 и ЈК Травел во Бисер.

#ФАЦИ

Архитектот Лука, нова љубов на Тамара

Поп-пејачката Тамара Тодевска има нова љубов. Таа веќе неколку пати сподели фотографии, а станува збор за Лука Радовиќ, архитект и дизајнер од Скопје. Дека има нова љубов веќе наголемо се зборува и низ чаршијата.

Тамара неодамна се разведе од својот сопруг Александра, со кого беше 7 години во брак. Тие имаат две деца, Дарен и Хана. И покрај разделбата со Мачка не е тајна дека тие се во коректни односи, заради децата, а заедно ги прославуваат и родендените на децата, и неодамна објавија заеднички фотографии.