Connect with us

#ФАЦИ

Разрешената директорка Нора Шаќири бара да ѝ се извинат оти комисијата ја отфрли пријавата за мобинг

Нора Шаќири Марковиќ не ја злоупотребила службената должност како в.д директор на Театар Комедија, а пријавата што против неа ја поднесе вработен во театарот, е отфрлена. Нора на Фејсбук ја објави одлуката на Државна комисија за спречување корупција (ДКСК), во која се вели дека не го прекршила законот. Таа побара да ѝ се извинат тие што кажуваа дека вршела мобинг. Нора беше разрешена пред еден месец, а таа тогаш рече дека е сменета незаконски откако ја пријавил колега против кого покренала дисциплинска постапка.

„Пријавата за мое несовесно постапување и злоупотреба на службената должност поднесена до ДКСК е отфрлена од ДКСК. И тогаш и сега е јасно дека не го прекршив изборниот законик кога поведов дисциплинска постапка за колега кој без оправдување не доаѓаше на работа. Незаконски и неосновано сум разрешена. Одлуката е прикачена на сајтот на ДКСК, се надевам оние кои побрзаа да објават дека сум мобингувала, сега ќе објават дека злоупотреба и мобинг немало“, вели Нора.

Таа кажа и дека ќе бара одговори од заменик претседателот на Владата за борба против корупција и криминал, одржлив развој и човечки ресурси и од министерката за култура. Побара и извинување од сите што ширеле невистини за неа и нејзиното работење во театарот.

„Секако, тоа ќе го направам јавно, не анонимно. Има фактури кои се враќаат тогаш кога ги праќаат на погрешна адреса. Одиме понатаму“, напиша Нора.

За потсетување, Нора беше разрешена минатиот месец, откако вработен во театарот анонимно ја пријавил за мобинг. Иако актерите и останатите вработени во Комедија застанаа во нејзина одбрана, таа беше сменета од функцијата.

„Имам обврска пред себе и пред вас да ви образложам под какви околности сум разрешена. Никој не е роден директор, не сум ни јас, но не е секој спремен да влезе во кал, а од тоа да нема лична корист. Јас бев спремна и Театар Комедија се издигна над сите црни облаци кои го надвасаа. Како директор поведов дисциплинска постапка за вработен кој без никакво образложение, без слободни денови, по завршувањето на колективниот одмор замина на патување и истото го поткрепи со фотографии. По анонимна пријава за мобинг пратена до заменик претседателот на Владата, министерот Љупчо Николовски, во театарот дојде вонреден инспекциски надзор. Државниот инспекторат за труд направи записник, а предметот ќе биде испратен до ДКСК како надлежен орган. Работев согласно законот, се изборив театарот да се врати во полн сјај без долгови, со три нови претстави, со прекрасен репертоар и неколку фестивали. орда сум на се до сега направено, горда сум на тоа дека конечно во Театарот се врати комуникацијата, разбирањето и почитта меѓу вработените“, напиша тогаш Нора и им се заблагодари за поддршката на колегите.

По нејзиното разрешување на местото в.д директор Министерството за култура ја назначи глумицата Магдалена Ризов – Черних. Вработените во театарот, по оваа одлука, побараа на местото на Нора да дојде драматургот Дарко Спасов и најавија бунт ако не се исполнат нивните барања.

Нора Шаќири-Марковиќ: Моето разрешување е незаконско

Извор: Репортер.мк

#ФАЦИ

Првпат во животот облеков фармерки откако ослабев 60 килограми: Пејачката Ивона Јо среќна и посветена на музиката 

Пејачката Ивона Јовановиќ ослабе 60 килограми и првпат во животот облече фармерки. Шест месеци по операцијата на желудникот вели дека конечно е задоволна кога ќе се погледне во огледало.

„Веќе ја немам онаа лажна самодоверба. Кога се затворивме во пандемијата, дознав многу работи за себе, на пример дека се прејадував не затоа што сум била гладна, туку за да го скријам стресот. Денес животот ми е сменет, вежбам јога, медитирам, посветена сум на пеењето и настапите и конечно сум вистински среќна“, вели Ивона во интервјуто на „Репортер“.

Се дружевме во Куманово, градот каде што е родена и живее. И додека ни ги откриваше омилените места на нејзиниот град разговаравме за сè. За музиката, настапите во „Ѕвездите на Гранд“, па и онаа болна тема, психичките проблеми кои со години ја мачеле поради дебелината.

„Никој не ме прашуваше како сум. Ме покажуваа со прст и коментираа дека сум дебела. Кога објавив слики на кои носам свилен фустан, луѓето мислеа дека промовирам гојазност. Јас тоа го направив за себе. Разговорите со психолог многу ми помогна да ги надминам проблемите и да сфатам дека имам многу квалитети за кои не бев свесна“, вели Ивона.

Од дете имала проблем со дебелината, Баба ѝ ја учела да носи широка облека за да ѝ го покрива телото. Денес, кога тоа е минато, Ивона вели дека веќе не се лути, ниту на родителите ниту на баба ѝ.

„Им простив, затоа што само така можев да тргнам напред и да ги надминам сите психолошки проблеми“, искрена е пејачката.

Низ сите овие години музиката ја водела напред. Зад неа е и бендот со кој ни покажа како се пее. А, кога е на јога, освен што го затега телото, си ја смирува и душата. Помеѓу музиката и јогата, секогаш наоѓа време за дружење и чаша вино со нејзиниот најдобар пријател, пејачот Марио Арангеловски. Марио го запознала на аудиција за ‘Идол’. Иако не се сакале, денес се најдобри другари.

„Баба му Ратка многу ме сака и сака да ѝ бидам снаа. Марио лаже дека не сме љубители на алкохолот. И двајцата  сакаме да испиеме чаша добро вино“, рече Ивона. Поради алкохол настанал и најсмешниот клип за јутјуб што го снимиле и бидејќи пијани глумеле модно жири, клипот никогаш не го објавиле.

Дали им било непријатно да се бакнуваат пред камери, како еден на друг си биле лоша среќа во „Гранд“, ама и зошто Ивона не ѝ пееше пратечки вокали на Калиопи на Евросонг. Тука се и муабетите за детството , за операцијата што ја чека пред крајот на годината, песната што наскоро ќе ја снима во Белград, како од 5ХЛ стигна до Л и зошто сака да отвори бутик на плус сајз девојки… гледајте го видеото.

Андријана Јовановска

 

Извор: Репортер.мк

Continue Reading

#ФАЦИ

(Видео) Геј пар се венчаше со евровизиската песна на Васил Гарванлиев

Евровизиските фанови Тој и Гој, кои имаат свој Јутјуб канал, биле толку многу воодушевени од песната Here I Stand што Васил Гарванлиев ја пееше лани на Евросонг, што ја избрале како главна песна на нивната свадба. Тие ова го открија во видеото во кое ги споделија своите впечатоци од песната Circles со која Андреа годинава ќе ја претставува Македонија на музичкото натпреварување.

„Се сеќавате ли каква реакција имав лани кога првпат ја слушав песната на Васил? Навивав за него да успее, и знам дека луѓето велат дека песната е малку лигава, ла, ла, ла, но ако ја слушнете само инструменталната верзија на песната, ќе сфатите дека е прекрасна. Прекрасна. Таа беше една од главните песни на нашата венчавка. Васил требаше да пее во финалето. Песната ја гледаме како вистински подарок од Васил за свадбата. И иако не сме го запознале, знаеме дека ќе го обожаваме и кога ќе го сретнеме“, велат Тој и Гој во видеото.

Инаку, песната Here I Stand беше промовирана пред точно една година, а ја претставуваше Македонија на Евросонг во Ротердам. За да ја одбележи годишнината, пред неколку дена, Васил објави десет ремикси на песната кои ги направија диџеи од целиот свет.

„Сега тие ја пуштаат Here I Stand во клубовите и дискотеките. Песната почнува да грми на журки“, рече Васил за „Репортер“.

Извор: Репортер.мк

Continue Reading

#ФАЦИ

Андреа со песната „Circles“ ќе ја претставува Македонија на Евровизија 2022

Вечерва беше избран нашиот евровизиски претставник, и победата ја однесе Андреа со песната „Circles“.

Пред камерите се претставија шесте кандидати за кои народот имаше можност да гласа изминативе денови. Кали, Лара, Виктор, Јон, Андреа и Рис Флауер се релативно млади музичари, кои претходно беа избрани на конкурсот кој го распиша МРТ.

„Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“, напиша Андреа на социјалните мрежи.

Избирањето се одвиваше по пат на онлајн гласање, а гласовите од јавноста сочинуваа 50 проценти, додека останатите 50 проценти беа доделени од страна на стручно странско жири.

Continue Reading
Advertisement

Facebook

Facebook

Трендинг

Copyright © Mediaset.mk / 2020

error: