Ретроградниот Меркур, астролошки период што се поврзува со недоразбирања, одложувања и повторно отворање на нерешени прашања, трае од 24 октомври до 13 ноември, а неговото влијание, според астролошките толкувања, особено би можело да го почувствуваат четири хороскопски знаци.
Бидејќи Меркур се движи ретроградно низ знакот Шкорпија, во преден план би можеле да бидат емоциите, меѓучовечките односи и важните разговори.
Шкорпиите би можеле да се соочат со враќање на стари разговори и нерешени односи, поради што искреноста ќе биде особено важна. Биковите, пак, би требало да посветат внимание на односите со партнерите и блиските, додека Лавовите може да се соочат со промени во работните планови и потреба од дополнителни договори.
Кај Водолиите во преден план би можеле да бидат кариерата и долгорочните цели. Евентуалните одложувања и промени во плановите може да ги поттикнат да ги преиспитаат своите приоритети.
Астролошките толкувања советуваат во овој период да се внимава на комуникацијата, внимателно да се проверуваат договорите и да се избегнуваат избрзани заклучоци. Ретроградниот Меркур не значи дека нужно ќе следуваат проблеми, туку се толкува како период за забавување и расчистување на нерешените прашања.
