Светските медиуми сѐ погласно шпекулираат дека поп-ѕвездата Тејлор Свифт и американскиот фудбалер Тревис Келси ова лето ќе стапат во брак, а во јавноста веќе се појавуваат детали за наводната свадбена церемонија.
Според странските медиуми, свадбата би можела да се одржи на 3 јули, а меѓу информациите што кружат на социјалните мрежи е и тврдењето дека парот вовел правило според кое гостите кои не се во брак или не се свршени нема да можат да доведат придружба.
Списанието „Њузвик“ побарало коментар од претставниците на Свифт, но засега нема официјална потврда за ваквите наводи.
Темата предизвика дебата меѓу експертите за организација на свадби. Џесика Бишоп, основачка на портал посветен на свадбени организации, оцени дека ваквото правило денес делува застарено, бидејќи сериозноста на една врска не може да се мери исклучиво преку брак или свршувачка.
Таа сепак нагласува дека многу парови се принудени да поставуваат ограничувања поради високите трошоци и ограничениот број места.
„Свадбите можат да бидат исклучително скапи, а секој дополнителен гостин носи нови трошоци за кетеринг, простор и организација“, посочува Бишоп.
Според неа, најдобар пристап е индивидуално разгледување на секој случај, наместо примена на строги правила.
Додека официјална потврда за датумот и деталите од свадбата сѐ уште нема, интересот на јавноста за врската на Тејлор Свифт и Тревис Келси останува огромен, а секоја нова информација привлекува големо внимание кај нивните обожаватели.
