Самсунг ја зацврсти водечката позиција на светскиот пазар на телефони на преклопување, со удел од речиси 70 проценти во третиот квартал од 2026 година, покажуваат податоците на истражувачката компанија „Смарт аналитикс глобал“ (SAG).
Јужнокорејскиот технолошки гигант освоил 69 проценти од пазарот, што е зголемување за девет процентни поени во споредба со истиот период минатата година и најдобар резултат во последните три години.
На второто место е „Хуавеј“ со 14 проценти, што претставува пад од четири процентни поени, додека „Леново/Моторола“ го зазема третото место со осум проценти, бележејќи раст од два процентни поени.
Доминацијата на Самсунг се поврзува со моделот Galaxy Z Fold8, претставен во август годинава. Според анализата, овој уред придонел со повеќе од половина од вкупните светски испораки на телефони на преклопување и помогнал компанијата да оствари двоцифрен раст во Европа и Јужна Кореја.
Според податоците што ги објавил технолошкиот инсајдер Ice Universe, од 7 август до 30 септември биле продадени 2,85 милиони примероци од Galaxy Z Fold8, односно во просек околу 50.000 уреди дневно.
И покрај моменталната доминација на Самсунг, од SAG предвидуваат дека „Епл“ во текот на 2027 година би можел да стане водечки производител на телефони на преклопување.
