По повеќемесечни шпекулации и протечени информации, Samsung официјално започна со најавите за својот нов преклопен паметен телефон, за кој се очекува да го носи името Galaxy Z Fold8.
Јужнокорејската компанија на своите профили на социјалните мрежи објави шест мистериозни тизери, со кои за првпат официјално навестува значителни промени во дизајнот на новиот уред.
Иако во видеата не се прикажува самиот телефон, Samsung повеќепати го истакнува поширокиот формат на екранот и користи пораки како „Нов облик“ и „Смел потег“, што укажува на редизајниран модел со поширок сооднос на страните.
Според досегашните информации, новата генерација преклопни телефони на Samsung би можела да биде претставена на 22 јули. Покрај Galaxy Z Fold8, се очекува компанијата да ги претстави и моделите Galaxy Z Fold8 Ultra и Galaxy Z Flip8.
Со оглед на тоа што промотивната кампања веќе започна, се очекува Samsung наскоро официјално да го потврди датумот на својата следна голема презентација.
