Црвениот тепих пред 78. доделување на наградите „Еми“ во Лос Анџелес повторно беше вистинска модна сцена, со бројни актерски ѕвезди кои пристигнаа во впечатливи изданија.
Особено внимание привлече Зендеја, која се појави во раскошна креација од „Prada“, украсена со бројни кристали и впечатливо деколте. Нејзиниот изглед беше дополнет со впечатлив накит, со што уште еднаш го потврди статусот на една од највпечатливите дами на црвениот тепих.
Селена Гомез, пак, блесна во златна креација од „Louis Vuitton“. Со долгата пуштена коса и речиси незабележлива шминка на очите, пејачката и актерка избра поедноставен, но елегантен изглед.
Никол Кидман се појави во миди-фустан со висок шлиц, додека Адам Броди, познат по улогата во „Округот Оринџ“, привлече внимание во елегантно одело надополнето со марама.
Црвениот тепих и овојпат покажа дека доделувањето на „Еми“ не е само натпревар за телевизиски награди, туку и една од најочекуваните модни вечери во Холивуд.
