Скопје на 19 септември ќе пулсира во ритамот на електронската музика. Македонскиот диџејски колектив SEMPRE ја организира првата едиција на фестивалот на отворено „The Smiley Calls Skopje“, кој ќе се одржи на паркингот пред арената „Борис Трајковски“.
Зад SEMPRE стојат Деловски, продуцентот на хит-преработките на „Ој девојче“ и „Крај“, и Invictoz, продуцентот на преработките на „Некогаш ќе помине“ и „Севда“. Заедно со Flowzy и Blu тие ја потпишуваат и успешната преработка на „Може, може, може“, објавена под името SEMPRE.
По две години од создавањето на брендот, момците од SEMPRE изградија препознатливо место на домашната електронска сцена. Нивната музика редовно се слушаше во култниот скопски клуб „Станица 26“, каде што имаа своја резиденција, како и на месечните настапи во „Three Kitchen“.
Во изминатиот период настапуваа и пред некои од најголемите имиња на светската електронска сцена, меѓу кои Black Coffee, Armin van Buuren, Argy и HUGEL. Нивната преработка на „On The Low“ доби поддршка и од Keinemusik, еден од најголемите светски диџејски колективи.
По бројните настапи во познати локали низ земјава и регионот, SEMPRE сега го прави следниот чекор – својата енергија ја пренесува на голема сцена под отворено небо.
Специјален гостин на фестивалот ќе биде JUNO, еден од најперспективните млади диџеи од Германија. Неговата музика веќе добива поддршка од повеќе светски реномирани имиња од афрохаус-сцената.
На сцената ќе настапи и женското диџејско дуо „The Aft3r“, составено од Елена Иваноска и Марија Јанчевска, а дел од програмата ќе биде и диџејот Иван Димитријев.
„The Smiley Calls Skopje“ најавува вечер исполнета со електронска музика и фестивалска енергија под отвореното небо на Скопје.
Влезниците се достапни онлајн на kupikarta.com. За резервации и повеќе информации за зоните VIP A и VIP B, заинтересираните може да се обратат на телефонскиот број +389 71 703 910.
