Сметководителите ќе исчезнат, ќе бидат заменети со роботи
Новите технологии наскоро ќе ги заменат специјалистите кои вршат „монотона работа“ со документи, на пример – сметководителите, смета директорот за дигитални производи на групацијата „Веон“, Џорџ Хелд.
Од практична гледна точка, постојат професии – како келнер во ресторан за кои не е потребно посебно знаење… Тука е и тн. „среден ешалон“ – на пр., сметководителите, кои работат „прилично монотона работа“, а потоа има и креативни луѓе…
– Да ги научиш и заменуваш луѓето од „најниските професии“ со робот е речиси невозможно. Поставување маса, уредувањето на приборот за јадење и чашите – од гледна точка на вештачката интелигенција – е многу тешко да се направи. Луѓето со креативни професии кои ја создаваат иднината исто така нема да бидат заменети со роботи. Но, сметководителите, на пр., многу брзо ќе бидат потиснати од роботи и ќе треба да се преквалификуваат во некоја од пониските или покреативните професии, вели Хелд.
Тој истакна и дека покрај развојот на технологијата, човештвото воопшто, нема да ја загуби својата работа.
– Никогаш нема да дојде до тоа – човештвото да нема што да прави. Луѓето секогаш ќе работат нешто, само што ќе се занимаваат со сѐ повеќе и понови технологии, истакнува технолошкиот стручњак.
Многу лесен начин да подготвите совршен појадок со чаша јогурт.
ПОТРЕБНИ СОСТОЈКИ за тесто: 250 мл млака вода, 8 г сув квасец или 30 г свеж, 50 мл масло, 2 јајца, 1 лажичка шеќер, 1 лажичка сол, 550-600 г брашно.
За фил: 300 г сирење, 2-3 јајца (едноставно измешајте ги и посолете по вкус). И уште: 150 г путер или маст за премачкување. Посипете со сусам. Печете на 200°C (390°F) првите 15 минути додека да зарумени, потоа намалете на 180°C (360°F) и печете уште 30 минути
ПОСТАПКА: Квасецот активирајте го во млака вода, шеќер и две лажици брашно. Во подлабок сад за месење сипете половина од брашното и помешајте го со солта. Додајте го маслото, јајцата на собна температура и акривираниот квасец.
Мешајте додека да добиете мазно тесто без грутчиња, па започнете постепено да го додавате остатокот од брашното со рачно месење. Кога тестото ќе стане компактно истресете го врз набрашнета површина и продолжете со месење.
Треба да остане меко, па штом престане да се лепи за рака, престанете со додавање брашно. Замесеното тесто ставете го садот и покријте го со кеса или стреч фолија и оставете да ферментира 15-тина минути или колку што е потребно за да го удвои волуменот.
Истресете го тестото на набрашнета површина и поделете го на 8 дела. Секој дел обликувајте го во топче, покријте ги со кеса за да не се сушат и оставете ги да одморат 5-10 минути за полесно да се развлекуваат.
Секое топче развлечете го со оклагија во тенка кора со големина на тепсијата (30 см). Кората ставете ја во тепсијата врз хартија за печење и премачкјате ја преку цела површина со растопен путер или маст.
Рамномерно распоредете една седмина од филот, па поклопете со друга кора. Постапката повторете ја додека да ги наредите сите кори. Последната кора малку подбутнете ја на краевите како да местите чаршав на кревет.
Нежно притиснете со дланката одозгора за да се сплесне питата (не премногу), па исечете ја на осмини. Одозгора премачкјате ја со едно разматено јајце и посипете ја со сусам или семе по ваша желба.
Ставете да се пече во добро загреана рерна на 200 степени првите 15 минути колку да зарумени, а потоа намалете на 180 степени и печете уште приближно половина час. Топлата погача одозгора можете да ја премачкате со малку растопен путер.
Оставете малку да се подизлади па извадете ја од тепсијата и послужете ја топла или ладна, секако е многу вкусна.
Во лето освежува, а во зима се служи топло, забаионе или забаглионе загрева како прегратка. Според некои теории, забаионе е создаден во старите времиња на Сицилија, додека други тврдат дека пореално сценарио го вклучува монахот Сан Пасквал од Торино, кој во 16 век го пропишал опојниот крем како рецепт против замор кога жените се жалеле за безволни сопрузи.
Состојки:
– 3 жолчки
– 3 лажички шеќер
– вино по избор: марсала, мускат или порто
Подготовка:
Одделете ги жолчките и ставете ги во сад во кој можете да ги сварите на пареа. Зачувајте ги лушпите од јајцата бидејќи ќе ви бидат потребни за да ја измерите количината на вино за рецептот.
Во половината од скршената лушпа истурете го виното до половина и додадете го во жолчките. Додадете шеќер. Изматете ги состојките добро да се соединат и потоа ставете ги на пареа.
Загрејте ја жолчката постепено за да не загори. Нежно мешајте на пареа додека не добиете густ и мазен крем. Ќе ви требаат пет до 10 минути.
Доколку сакате да го послужите кремот ладен, садот со забајоне ставете го во поголем сад, наполнете го со мраз и ладна вода и мешајте додека не се излади. Украсете со овошје по желба.
