#ФАЦИ

Со деца од ранливите категории, Стево и Бети ја накитија претседателската елка: Ова се денови на радост и спокој

Претседателот Стево Пендаровски и неговата сопруга Елизабета Ѓеоргиевска ја накитија новогодишната елка во резиденцијата на Водно. Им помогнаа деца од ранливите категории од цела Македонија, но и децата на вработените во претседателскиот кабинет. Тие прво ја украсија елката, а потоа претседателот им даде новогодишни пакетчиња. Дружењето го завршија со концерт на гудачки квартет и празнична театарска претстава за децата.

„Претпразнични дружби со китење на новогодишните елки во Кабинетот и доделување пакетчиња. Гости и помошници за украсување беа децата на вработените во Кабинетот и децата од дневниот центар во Тетово, ДСУРО ‘Наум Охридски’, СОС Детско Село, ‘Трисомија 21’, ЈУДГ ‘Детска радост’“, напиша претседателот и објави слики на Фејсбук.

Во денот поминат кај претседателот Пендаровски, најмногу се забавуваа најмалите. Освен што уживаа додека ја китеа новогодишната елка со Бети и Стево, тие аплаудираа најсилно додека траеше претставата.

„Ова е одлична можност за споделување заеднички мигови. Во пресрет на празниците да се потсетиме на потребата од заедништво, спокој и радост“, додаде претседателот.

Извор: Репортер.мк

Поврзани тагови:

#ФАЦИ

Ареа ќе одржи акустичен концерт во Битола на 7. октомври

Ареа ќе одржи акустичен концерт во Битола, на 7. октомври. „Предходната година го издадовме новиот албум „Љубов е“ и до сега имавме повеќе, концертни настапи во повеќето места во Македонија меѓу кои и во Битола. Овој пат решивме тоа да биде акустичен концерт, каде во една поинаква и поинтимна атмосфера публиката ќе може да ужива во нашите песни.

Концертот под наслов „Area Unplugged“ ќе се случи за прв пат на сцената во Центарот за култура во Битола, со почеток во 20 часот,“ информираат од Ареа.

#ФАЦИ

Песни од Тоше, Гоце Арнаудов, Влатко, Есма, Драган Вучиќ на канцерот „Легендите живеат вечно“

Под мотото „Легендите живеат вечно“, на 28-ми октомври во „Македонска филхармонија“ ќе се одржи концерт во чест на оние кои прерано си заминаа, со цел да им се одаде почит за се она што го оставија зад себе. Ја испишаа музичката историја, а можеа уште толку многу.

Ќе се пеат песните на Тоше Проески, Влатко Илиевски, Есма Реџепова, Гоце Арнаудов, Зафир Хаџиманов, Драган Вучиќ како и многу други. Картите за овој настан се веќе пуштени во продажба и истите ќе имате можност да ги купите преку продажната мрежа на www.kupikarta.com, Розе Веро 2 и ЈК Травел во Бисер.

#ФАЦИ

Архитектот Лука, нова љубов на Тамара

Поп-пејачката Тамара Тодевска има нова љубов. Таа веќе неколку пати сподели фотографии, а станува збор за Лука Радовиќ, архитект и дизајнер од Скопје. Дека има нова љубов веќе наголемо се зборува и низ чаршијата.

Тамара неодамна се разведе од својот сопруг Александра, со кого беше 7 години во брак. Тие имаат две деца, Дарен и Хана. И покрај разделбата со Мачка не е тајна дека тие се во коректни односи, заради децата, а заедно ги прославуваат и родендените на децата, и неодамна објавија заеднички фотографии.