Хортензиите се меѓу највпечатливите украсни растенија во градината, а малкумина знаат дека нивната боја може да се промени со помош на едноставна состојка што речиси секој ја има во кујната.
Според експертите за хортикултура, бојата на хортензиите во голема мера зависи од киселоста на почвата. Така, во покисела почва цветовите најчесто добиваат сина нијанса, додека во поалкална средина остануваат розови.
Доколку сакате вашите розови хортензии да станат сини, градинарите советуваат во почвата да додадете искористени кесички чај. Тие содржат танинска киселина, која постепено ја зголемува киселоста на почвата.
„Додавањето кесички чај во почвата може да ја промени бојата на хортензиите бидејќи чајот содржи танинска киселина, која го намалува нивото на pH и ја зголемува киселоста на почвата“, објаснува експертот за хортикултура, Греам Смит.
Освен што влијаат врз бојата на цветовите, кесичките чај можат да послужат и како природно ѓубриво за растенијата.
Експертите, сепак, предупредуваат да не се применува еден популарен интернет-трик – закопување рѓосани клинци во почвата. Иако некои веруваат дека на овој начин се зголемува киселоста на земјата, стручњаците велат дека методот е небезбеден и може да предизвика повреди.
Наместо тоа, тие препорачуваат користење компост, железен сулфат или кора од бор, кои со текот на времето природно ја зголемуваат киселоста на почвата и придонесуваат за промена на бојата на хортензиите.
