Српската пејачка Теа Таировиќ откри дека била итно оперирана откако ѝ пукнал крвен сад во стомакот. Таа им се обрати на следбениците од болничкиот кревет, признавајќи дека ги игнорирала болките и дека здравствениот проблем ѝ бил сериозна опомена.
Пејачката објасни дека проблемот настанал наутро на 25 октомври, но претходно не обрнувала доволно внимание на сигналите што ѝ ги испраќало телото. По настапот во Франкфурт, Германија, имала сериозни здравствени тегоби, но ја одбила понудената хоспитализација и се вратила во Белград, верувајќи дека нејзината состојба не е толку сериозна.
„По концертот во Франкфурт, стомакот ми беше полн со крв. Дури и одбив да бидам хоспитализирана во Франкфурт, верувајќи дека тоа не ми е потребно и дека сум добро“, откри Таировиќ.
Таа соопшти дека операцијата поминала и дека се чувствува добро, надевајќи се на брзо закрепнување. Поради здравствената состојба, во наредниот период ќе направи пауза од настапите за целосно да се посвети на опоравувањето.
„Морам да го слушам своето тело и да се грижам за него. Отсекогаш верував дека сум супержена, но очигледно моето тело не се согласи со тоа“, порача пејачката.
