Норвешкиот судија Еспен Ескас повеќе нема да суди на Светското првенство, откако ФИФА го заврши неговиот ангажман по контроверзниот натпревар меѓу Хрватска и Португалија во осминафиналето.
Одлуката ја донел претседателот на Судиската комисија на ФИФА, легендарниот италијански арбитар Пјерлуиџи Колина, по бројните реакции во јавноста по спорниот натпревар.
И покрај критиките, голем дел од фудбалската јавност смета дека Ескас постапил во согласност со правилата.
Во 103. минута од продолженијата, Иван Матановиќ постигна гол за израмнување, но погодокот беше поништен по проверка со технологијата. Чипот вграден во официјалната топка „Трионда“ потврдил дека хрватскиот напаѓач минимално ја допрел топката пред ударот, поради што, според важечките правила, голот морал да биде поништен.
Иако одлуката предизвика големо разочарување кај хрватската репрезентација и навивачите, таа била донесена согласно правилата и со помош на технологијата што се користи на годинашното Светско првенство.
