Краткометражниот игран филм „Кучињата немаат соништа“ на младиот режисер Ханис Багашов ја имаше својата светска премиера на 32. издание на Сараевскиот филмски фестивал.
Филмот ја следи приказната на тинејџерите Илире и Бесник од планинско село, чија љубов е попречена од патријархалното наследство и општествените норми што не им дозволуваат да бидат заедно.
Сценариото и режијата се на Ханис Багашов, кој е и продуцент на филмот. Копродуценти се Касијана Ангелова од Бугарија и Јуре Тержан од Словенија.
Главните улоги ги толкуваат Ера Балај и Дениз Рустеми, а во филмот играат и Илире Винца, Рефет Абази, Ментор Курти и Греса Фаризи.
Директор на фотографија е Фејми Даут, монтажата е на Касијана Ангелова, музиката на Арта Абази, додека костимите и сценографијата се на Елена Билбилоска. Дизајнот на звукот е на Дарко Спасовски.
„Кучињата немаат соништа“ е поддржан од Агенцијата за филм на Република Северна Македонија, во продукција на „Хитра Филмс“ и копродукција на „Етерна Филмс“ и „Касабланка“.
Светската премиера на филмот се одржа во рамки на Сараевскиот филмски фестивал, еден од најзначајните филмски фестивали во регионот.
