Тамара Тодевска седна на полиграф кај јутуберот Стефан Рашковиќ – Стефонатор, каде што одговараше на прашања поврзани со нејзината кариера, приватниот живот и различни теми. Еден момент особено го привлече вниманието кога пејачката доби прашање кое не беше прочитано на глас, како останатите.
Стефонатор ѝ го предаде прашањето во плико, а Тамара беше единствената што требаше сама да го прочита. Пред неа беше и црвеното копче, кое можеше да го притисне само еднаш доколку не сака прашањето воопшто да биде прочитано и доколку не сака да одговори.
Тамара не го притисна копчето. Наместо тоа, му рече на Стефонатор да го прочита прашањето, а потоа отворено одговори.
„Дали е точно дека една твоја врска завршила поради религиозни причини?“, гласеше прашањето.
„Да, точно е, со тоа што не би навлегувала во детали, бидејќи не сум само јас во приказната“, одговори Тамара.
Пејачката притоа нагласи дека за неа верата и националноста никогаш не биле пречка кога станува збор за љубовта.
„Но, мене никогаш не ми била проблем ниту верата ниту националноста кога е љубовта во прашање. Кога има љубов, мислам дека сè може да победи“, рече таа.
