Пејачката Тејлор Свифт се најде во центарот на вниманието на корисниците на социјалните мрежи откако објави постер за својот нов сингл „Patient Zero“.
На фотографијата, Свифт носи црн фустан без ракави со висок околувратник, но дел од корисниците на Икс и Инстаграм забележале детали во обработката на фотографијата кои, според нив, изгледаат неприродно.
Најмногу коментари предизвикал изгледот на пределот околу пазувата и колкот. Дел од корисниците оцениле дека фотографијата е премногу обработена и измазнета, а некои дури ја споредиле со слика создадена со вештачка интелигенција.
„Фотошопот на насловната за „Patient Zero“ е ужасен... девојко, милијардерка си, ангажирај професионален фотограф“, напишал еден корисник на Икс.
Друг корисник коментирал дека пределот околу колкот изгледа лошо обработен и дека целата фотографија е „премногу измазнета“.
Трет корисник, пак, се осврнал на обработката на пределот околу пазувата, оценувајќи дека тој е изменет до непрепознатливост.
Реакциите се однесуваат на изгледот и обработката на фотографијата, а објавата на Свифт привлече големо внимание на социјалните мрежи.
