Кинеската платформа за е-трговија „Тему“ за само три години успеа да стане еден од најголемите онлајн трговци во Швајцарија, покажува најновото годишно рангирање на консултантската компанија „Карпатија“.
Според проценките за 2025 година, приходите на „Тему“ на швајцарскиот пазар достигнале една милијарда швајцарски франци, односно околу 1,09 милијарди евра, што претставува исклучително брз раст откако платформата беше лансирана во земјата во април 2023 година.
Консултантот и косопственик на „Карпатија“, Дејвид Морант, истакна дека ова е првпат четири компании за онлајн трговија во Швајцарија да остварат промет поголем од една милијарда швајцарски франци.
Според него, најголем дел од растот на пазарот го предводеле „Галаксус“ и „Тему“, кои заедно оствариле дополнителни 950 милиони швајцарски франци приходи од е-трговија.
За разлика од „Амазон“, чиј раст на швајцарскиот пазар стагнира веќе неколку години, „Тему“ успеа брзо да привлече голем број купувачи, прилагодувајќи ја својата понуда на потребите и очекувањата на швајцарските потрошувачи.
