Американскиот претседател Доналд Трамп го претстави новиот изглед на американскиот пасош, на кој се наоѓа неговиот лик, по повод одбележувањето на 250-годишнината од основањето на Соединетите Американски Држави.
Станува збор за ограничено издание на документот, кој, според објавата на Трамп на неговата социјална мрежа „Truth Social“, содржи и порака „Добредојдовте, но бидете добри“.
На претставениот примерок се гледа фотографија од Трамп поставена над претседателска маса, додека во позадина е прикажан текст од Декларацијата за независност, а на дното стои неговиот потпис. На спротивната страница се наоѓа уметничко дело на Џон Трамбул со истата историска тема.
Објавата предизвика бројни реакции на социјалните мрежи, при што дел од корисниците ја критикуваа пораката и дизајнот, истакнувајќи дека пасошот служи за патување на американските државјани, а не како документ за влез во земјата, поради што сметаат дека пораката е несоодветна за ваков документ.
