Се менуваат правилата за влез во земјите од Европската Унија.
Од 10 ноември ќе стапат на сила нови правила, а се однесуваат на системите EEС и EТИАС, а влезот ќе треба да се плати.
Системот за влез/излез (ЕЕС) е автоматизиран ИТ систем за регистрација на граѓани од земји кои не се членки на ЕУ кои патуваат на краток престој. ЕЕС ќе стапи на сила веќе на 10 ноември, а подразбира регистрација пред влез во ЕУ.
Имено, на премините, покрај пасошот, ќе биде побарано да испечатите најмалку четири прсти, како и да ве фотографираат. Вака треба да изгледа влезот во ЕУ за граѓаните од околу 60 земји, вклучувајќи ги и териториите на Западен Балкан.
Вториот, системот ЕТИАС, ќе бара издавање дозвола за влез во ЕУ, а ќе стапи на сила веројатно од средината на 2025 година.
Добрата работа е што овластувањето за патување ЕТИАС важи три години или додека не истече патниот документ кој бил користен во апликацијата.
Со важечка ЕТИАС дозвола, можете да престојувате во земјите на Европската унија 90 дена во кој било период од 180 дена.
Мора да поседувате важечко овластување за патување ЕТИАС за времетраењето на вашиот престој. Можете да заминете и да се вратите во секое време, доколку го почитувате овој временски рок.
