Бројот на сранските патници кои ја посетиле Грција во 2025 година достигна 43,31 милиони, што претставува зголемување од 6,4% во споредба со 40,69 милиони претходната година. Овој раст придонел вкупните приходи од патувања да достигнат 23,63 милијарди евра, што е раст од 9,4% на годишно ниво, објави Екатимерини.
Според конечните податоци на Банката на Грција, просечната потрошувачка по лице по патување изнесувала 545,5 евра, што е зголемување од 2,8% во споредба со 530,6 евра во 2024 година.
Во исто време, просечната дневна потрошувачка по ноќевање пораснала за 7,7% на 96,6 евра, од 89,7 евра во 2024 година. Сепак, просечното времетраење на престојот се намалило за 4,5%, достигнувајќи 5,6 ноќевања по патување.
Вкупниот број ноќевања од нерезиденти изнесувал 244,67 милиони, што е зголемување од 1,6% во споредба со 2024 година. Авиосообраќајот на патници се зголемил за 5,6%, додека патниот граничен сообраќај пораснал за 6,9%. Посетителите од 27-те земји членки на ЕУ учествувале со 51,8% од вкупните пристигнувања.
Бројот на патници на крузери се проценува на 5,61 милиони, што е раст од 12%.
Трошоците на грчките жители за патувања во странство пораснале на 3,34 милијарди евра во 2025 година, што е зголемување од 19%, односно 533,7 милиони евра, во споредба со претходната година.
