Инфлуенсерите Ендру Тејт и неговиот брат Тристан Тејт се уапсени во Мајами, соопшти американската Служба на маршали.
Американските власти засега не објавија за што точно се товарат браќата Тејт, бидејќи налогот за нивно апсење е запечатен.
Портпаролот на Службата на маршали, Брејди МекКарон, изјави дека апсењето е извршено во рамки на постапка за екстрадиција, во согласност со меѓународните договори и спогодбите за соработка меѓу органите за спроведување на законот.
„Американските маршали во Јужниот округ на Флорида денеска ги уапсија Ендру и Тристан Тејт во согласност со постапката за екстрадиција. Апсењата се спроведени согласно меѓународните договори и спогодбите за соработка што ги регулираат постапките за екстрадиција“, соопшти портпаролот на американското Министерство за правда.
Во меѓувреме, британското Кралско обвинителство соопшти дека се јавиле уште четири наводни жртви на браќата Тејт, што резултирало со нови обвиненија за силување, трговија со луѓе за сексуална експлоатација, напад и поседување детска и екстремна порнографија.
