Ирска нема да учествува на Евровизија 2027 година, соопшти денеска ирскиот јавен сервис РТЕ, наведувајќи го како причина континуираното страдање на луѓето во Газа и хуманитарната криза.
„РТЕ смета дека учеството на Ирска не може да се оправда со оглед на ужасното и непрекинато страдање на луѓето во Газа и хуманитарната криза, која и понатаму ги загрозува животите на голем број цивили“, се наведува во соопштението на јавниот сервис, пренесува „Ројтерс“.
Ирска е втората земја која официјално го откажа учеството на натпреварот во 2027 година, по Холандија. Холандскиот јавен радиодифузер АВРОТРОС во август соопшти дека Евровизија повеќе не може да се смета за неутрален настан додека на неа учествува држава вклучена во воен конфликт од големи размери.
Бојкотот на Евровизија започна на претходното издание во 2026 година, кога пет земји – Ирска, Холандија, Исланд, Словенија и Шпанија – одбија да учествуваат.
