Connect with us

#ФАЦИ

Васил Гарванлиев: Беше судбина да ја направам бугарската песна за Јуниор Евросонг

Македонскиот музичар Васил Гарванлиев е еден од авторите на бугарската песна за Јуниор Евросонг, „Гласот на љубовта“. Песната ја пеат Денислава и Мартин, а беше промовирана пред неколку дена. Оттогаш, Васил вели дека добива само пофалби и позитивни коментари. Не крие дека е горд на песната што ја направи со композиторот Давор Јордановски и текстописецот Весна Малинова, посебно што на конкурсот во Бугарија, освен македонскиот тим, учествуваа и музичари од Холандија, Англија и Шведска.

„Универзумот ме поддржа оваа 2021 година и ми помогна да создавам Дизни музика во која публиката ужива. Јас сум презадоволен од првите реакции и благодарен сум што добив можност да им помогнам на овие млади таленти да ги остварат своите соништа. Би рекол дека е судбина, но ништо не е случајно. Децата имаат прекрасни гласови, а Мартин гласовно ме потсетува многу на мене кога јас бев на негови години“, рече Васил за „Репортер“.

Низ разговорот Гарванлиев ни откри дека уште во текот на летото добил понуда да напише песна за бугарскиот избор на Јуниор Евросонг.

„Сè се случи по мојот прв голем настап во Софија, каде што бев единствениот меѓународен уметник. Организаторите ме поканија да бидам дел од камп за пишување музика, каде што фокусот ќе биде на мојата музика, на филмската музика и на Евровизија. Кога стасав таму, ми рекоа дека сакаат да напишам песна што ќе ја испратам на конкурсот за Јуниор Евросонг. Знаев дека ќе има тимови од Холандија, Англија, Шведска, а јас добив можност да формирам свој македонски тим“, ни рече Васил.

 

Пејачот вели дека не размислувал многу со кого сака да соработува. Прво го побарал композиторот Давор Јордановски, со кого ги прави песните за новиот албум. А откако тој прифатил, ја контактирал и Весна Малинова, за која вели дека е една од најдобрите текстописци кај нас.

„Весна и ‘Ѓердан’ беа причината која ме врати дома и ми го смени животот. Тројцата тргнавме на турнеја од Нишвил Џез фест до Црното Море, и заедно поминавме три недели во кои создававме музика. Тоа беше магија“, искрен е Васил.

Но, откако во јавноста се дозна дека македонски музичари ја направија бугарската песна, повторно тргнаа негативни коментари. Васил беше критикуван, слично како и пред настапот на Евросонг во мај. Тогаш се пишуваше за неговото двојно државјанство, а некои луѓе бараа тој да не ја претставува Македонија. Но, Гарванлиев вели дека и сега ги гледа само убавите работи.

„Толку многу сум фокусиран на настапите и снимање на проекти во Чикаго, што не трошам време да барам и читам коментари. Јас си ја живеам вистината, спијам мирно навечер, легнувам и станувам со искрена насмевка. Но и покрај тоа, човек сум, уметник сум, што значи ранлив до бол. Па тоа ми помага и ми дава енергија и волја да пеам и да бидам уште поискрен“, рече тој.

На прашањето дали добил понуда да направи песна за децата од „Дајте музика“ кои годинава ќе ја преставуваат Македонија на Јуниор Евросонг, Васил вели: „Искрено, не наидов на конкурс ниту некој ме контактираше. Но знам дека ‘Дајте музика’ е прекрасен проект на МРТВ и дека соработуваат со група на композитори кои ги познаваат децата. Тоа е многу, многу важно“.

Васил, кој во моментов е во САД, вели дека следниот месец ќе оди во Париз за да ги поддржи Мартин и Денислава на натпреварот што ќе се одржи на 19 декември.

„Очекувам да застанат и да ја испеат својата вистина на најискрен и мирен начин. Тоа за мене е победа. Сè друго е бонус“, додава тој.

Андријана Јовановска

 

Извор: Репортер.мк

#ФАЦИ

Скоро 700 илјади прегледи на македонското видео за Јуниор Евросонг: Децата од „Дајте музика“ меѓу фаворитите за победа

Видеото за песната Green Forces со која децата од „Дајте музика“, кои ќе ја преставуваат Македонија на Јуниор Евросонг, има скоро 700 илјади прегледи откако пред две недели беше објавено на Јутјуб. Со развиорени знамиња, Кристина, Анастасија, Миха и Филип, им се заблагодарија на своите фанови за поддршката што ја добиваат.

Според коментарите од фановите од цела Европа, македонската песна и децата од „Дајте музика“ се меѓу омилените на годинашниот избор. Скоро сите пораки на јутјуб се со поддршка, а многумина пишуваат дека Green Forces е толку многу заразна и не можат да престанат да ја пеат, што ќе гласаат за неа и се надеваат дека Македонија ќе победи.

Музиката за Green Forces ja напиша Роберт Билбилов, а текстот е на Робин Зимбаков. Видеото е на „Вертиго вижуалс“.

Јуниор Евросонг годинава ќе се одржи на 19 декември во Париз, Франција.

(Видео) Со песна за спас на планетата Земја децата од „Дајте музика“ ќе настапат на Јуниор Евросонг

Извор: Репортер.мк

Continue Reading

#ФАЦИ

Пионерите на македонскиот хип-хоп „Чиста околина“ со нова песна го најавија следниот албум

Пионерите на македонскиот хип-хоп „Чиста околина“ го објавија првиот сингл од својот следен албум, кој треба да излезе во првата половина на 2022 година. Ова ќе биде вториот од трите албуми што ги најавија.

„‘Чиста околина‘ останува доследна на својата бескрајна музичка љубопитност и на новата песна ‘Врие Македонец‘ го спојува хип хоп изразот со семплови од Драган Ѓаконовски-Шпато, ‘Телонаука совршена‘, ‘Анастасија‘ и Алек Пејовски“, велат од издавачката куќа „Филтер лејбл“.

„Чиста околина“ во мај го објави Avant-garde fatiguée, нивниот прв албум по повеќе од 25 години пауза. Тој претходно беше најавен со сингловите „Си играме со рапот“ и „Малку поети“.

Извор: Репортер.мк

Continue Reading

#ФАЦИ

Времето лета Мања: Александар Митевски со емоции за роденденот на помалата ќерка

Пејачот и композитор, Александар Митевски, откри дека неговата помала ќерка Мања наполни 16 години. Тој на Фејсбук објави две постари слики со ќерка си, едната од нејзиниот 14. роденден, другата кога била помала.

„Мојата помала ќерка Мања денес 16. Времето лета“, напиша Митевски.

Освен Мара, Александар ја има и ќерката Ања. Таа во декември ќе полни 21 година.

Извор: Репортер.мк

Continue Reading
Advertisement

Инста

Facebook

Facebook

Трендинг

Copyright © Mediaset.mk / 2020

error: