Connect with us

#ФАЦИ

Ѕвездата на „Сексот и градот“ Крис Нот обвинет за силување

Крис Нос, ѕвездата на „Сексот и градот“, е обвинет за силување две жени, објави „Холивуд репортер“. И двете жени користат псевдоними – Зои и Лили, а тврдат дека едната била силувана во Лос Анџелес во 2004 година, а другата во Њујорк во 2015 година, на сличен начин, со секс пред огледало. Девојките – Зои, сега 40, и Лили, сега 31 – кои го обвинуваат Нот дека сексуално ги нападнал, ги раскажаа своите приказни за магазинот.

Зои вели дека кога имала 22 години работела во фирма каде што познатите личности редовно се појавуваат за извршување на работните обврски.

„Тој ќе дојдеше до мојата маса и ќе флертуваше со мене. Некако го доби мојот број од именикот и ми оставаше пораки на работниот телефон. Мојот шеф рече:’Господин Биг остава пораки на вашата говорна пошта““, раскажува Зои.

Еден ден ја поканил во својот стан во зграда во Западен Холивуд  за да уживаат во базенот. Тој оставил книга покрај базенот и ја замолил да ја врати во неговиот стан.

„Тој рече: ‘Би сакал да знам што мислиш’. Помислив дека сум нова, а тој прашува за мое мислење,  во Холивуд бев само два месеца“, додава Зои

Кога влегла во неговиот стан, тој наводно ја бакнал. Тоа не ја вознемирило оти мислела дека бакнежот од г. Биг ќе биде забавна приказна што ќе им ја раскаже на своите пријатели. Но, таа вели дека тој потоа ја повлекол кон себе, ја поместил кон креветот, ѝ ги соблекол шорцовите и долниот дел од бикините и почнал да ја силува одзади. Таа била свртена кон огледало.

„Беше многу болно и извикав: ‘Стоп!’, тој продолжи. Реков: ‘Можеш ли барем да земеш кондом?’ и тој ми се насмеа“, вели таа.

Таа, наводно, била третирана во болница по случката, а докторот препорачал советување за траума.

„Го закопав тоа онолку длабоко колку што можев, а потоа навистина не ми беше добро и конечно отидов на третман што го препорачаа од болницата“, раскажува таа за своето искуство години подоцна.

Приказната на Лили започнува во ноќен клуб во Њујорк, каде што била келнерка.

Тој, наводно, ја поканил да одат на вечера и го продолжиле состанокот во неговиот стан, кој таа го нарекува „неверојатно место“.

„Слушавме музика, а тој ги има сите  книги за уметност и мода. Се обиде да ме бакне. Внимателно го забавував. Тој е постар и изгледаше постар. Постојано се обидуваше и се обидуваше и се обидуваше, а јас требаше поцврсто да кажам ‘не’ и да заминам. А потоа следно што памтам е дека тој ги спушти панталоните и стоеше пред мене“, раскажа девојката која стои зад псевдонимот Лили.

Лили вели дека наводно му посочила дека е оженет (со Тара Вилсон), а тој ѝ одговорил дека бракот е измама и моногамијата не е вистинска.

„Тој имаше секс со мене на стол. Бевме пред огледало.  Отидов во бањата и го облеков здолништето. Се чувствував ужасно. Тотално прекршено. Сите мои соништа со оваа ѕвезда што ја сакав со години исчезнаа“, продолжува во објаснувањето Лили.

Биле разоткриени и СМС-пораки меѓу парот во кои Крис, наводно, напишал: „Патем, морам да прашам дали уживаше во нашата ноќ минатата недела. Мислев дека е многу забавно, но не бев баш сигурен како се чувствуваш“.

Лили, наводно, одговорила: „Хмм… Секако уживав во вашето друштво. Одличен разговор. Да не навлегувам во детали во текстуална порака, но се чувствував малку искористено… Можеби подобро е а ова да зборуваме во телефонски разговор, но не можам да зборувам во моментов“.

Нот потоа, наводно, подоцна напишал: „Ако сакаш да се напиеш подоцна, не мора да биде кај мене… иако го имам најдоброто виски. Дојди да се напиеш една пијачка со мене пред да го напуштам градот. О, мистериозна… каде отиде“.

 

Нот се огласи на неофицијалните обвинувања, цврсто велејќи дека не ги нападнал и навредил девојките.

„Обвинувањата против мене од поединци што сум ги запознал пред години, па и децении, се категорично лажни. Овие приказни може да се од пред 30 години или пред 30 дена – ‘не’ секогаш значи ‘не’ – тоа е линија што не ја преминувам. Средбите беа консензуални. Тешко е да не се доведе во прашање времето на објавување на овие приказни. Не знам со сигурност зошто сега излегуваат на површина, но го знам ова: јас не ги нападнав овие жени“.

Извор: Репортер.мк

#ФАЦИ

Првпат во животот облеков фармерки откако ослабев 60 килограми: Пејачката Ивона Јо среќна и посветена на музиката 

Пејачката Ивона Јовановиќ ослабе 60 килограми и првпат во животот облече фармерки. Шест месеци по операцијата на желудникот вели дека конечно е задоволна кога ќе се погледне во огледало.

„Веќе ја немам онаа лажна самодоверба. Кога се затворивме во пандемијата, дознав многу работи за себе, на пример дека се прејадував не затоа што сум била гладна, туку за да го скријам стресот. Денес животот ми е сменет, вежбам јога, медитирам, посветена сум на пеењето и настапите и конечно сум вистински среќна“, вели Ивона во интервјуто на „Репортер“.

Се дружевме во Куманово, градот каде што е родена и живее. И додека ни ги откриваше омилените места на нејзиниот град разговаравме за сè. За музиката, настапите во „Ѕвездите на Гранд“, па и онаа болна тема, психичките проблеми кои со години ја мачеле поради дебелината.

„Никој не ме прашуваше како сум. Ме покажуваа со прст и коментираа дека сум дебела. Кога објавив слики на кои носам свилен фустан, луѓето мислеа дека промовирам гојазност. Јас тоа го направив за себе. Разговорите со психолог многу ми помогна да ги надминам проблемите и да сфатам дека имам многу квалитети за кои не бев свесна“, вели Ивона.

Од дете имала проблем со дебелината, Баба ѝ ја учела да носи широка облека за да ѝ го покрива телото. Денес, кога тоа е минато, Ивона вели дека веќе не се лути, ниту на родителите ниту на баба ѝ.

„Им простив, затоа што само така можев да тргнам напред и да ги надминам сите психолошки проблеми“, искрена е пејачката.

Низ сите овие години музиката ја водела напред. Зад неа е и бендот со кој ни покажа како се пее. А, кога е на јога, освен што го затега телото, си ја смирува и душата. Помеѓу музиката и јогата, секогаш наоѓа време за дружење и чаша вино со нејзиниот најдобар пријател, пејачот Марио Арангеловски. Марио го запознала на аудиција за ‘Идол’. Иако не се сакале, денес се најдобри другари.

„Баба му Ратка многу ме сака и сака да ѝ бидам снаа. Марио лаже дека не сме љубители на алкохолот. И двајцата  сакаме да испиеме чаша добро вино“, рече Ивона. Поради алкохол настанал и најсмешниот клип за јутјуб што го снимиле и бидејќи пијани глумеле модно жири, клипот никогаш не го објавиле.

Дали им било непријатно да се бакнуваат пред камери, како еден на друг си биле лоша среќа во „Гранд“, ама и зошто Ивона не ѝ пееше пратечки вокали на Калиопи на Евросонг. Тука се и муабетите за детството , за операцијата што ја чека пред крајот на годината, песната што наскоро ќе ја снима во Белград, како од 5ХЛ стигна до Л и зошто сака да отвори бутик на плус сајз девојки… гледајте го видеото.

Андријана Јовановска

 

Извор: Репортер.мк

Continue Reading

#ФАЦИ

(Видео) Геј пар се венчаше со евровизиската песна на Васил Гарванлиев

Евровизиските фанови Тој и Гој, кои имаат свој Јутјуб канал, биле толку многу воодушевени од песната Here I Stand што Васил Гарванлиев ја пееше лани на Евросонг, што ја избрале како главна песна на нивната свадба. Тие ова го открија во видеото во кое ги споделија своите впечатоци од песната Circles со која Андреа годинава ќе ја претставува Македонија на музичкото натпреварување.

„Се сеќавате ли каква реакција имав лани кога првпат ја слушав песната на Васил? Навивав за него да успее, и знам дека луѓето велат дека песната е малку лигава, ла, ла, ла, но ако ја слушнете само инструменталната верзија на песната, ќе сфатите дека е прекрасна. Прекрасна. Таа беше една од главните песни на нашата венчавка. Васил требаше да пее во финалето. Песната ја гледаме како вистински подарок од Васил за свадбата. И иако не сме го запознале, знаеме дека ќе го обожаваме и кога ќе го сретнеме“, велат Тој и Гој во видеото.

Инаку, песната Here I Stand беше промовирана пред точно една година, а ја претставуваше Македонија на Евросонг во Ротердам. За да ја одбележи годишнината, пред неколку дена, Васил објави десет ремикси на песната кои ги направија диџеи од целиот свет.

„Сега тие ја пуштаат Here I Stand во клубовите и дискотеките. Песната почнува да грми на журки“, рече Васил за „Репортер“.

Извор: Репортер.мк

Continue Reading

#ФАЦИ

Андреа со песната „Circles“ ќе ја претставува Македонија на Евровизија 2022

Вечерва беше избран нашиот евровизиски претставник, и победата ја однесе Андреа со песната „Circles“.

Пред камерите се претставија шесте кандидати за кои народот имаше можност да гласа изминативе денови. Кали, Лара, Виктор, Јон, Андреа и Рис Флауер се релативно млади музичари, кои претходно беа избрани на конкурсот кој го распиша МРТ.

„Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“, напиша Андреа на социјалните мрежи.

Избирањето се одвиваше по пат на онлајн гласање, а гласовите од јавноста сочинуваа 50 проценти, додека останатите 50 проценти беа доделени од страна на стручно странско жири.

Continue Reading
Advertisement

Facebook

Facebook

Трендинг

Copyright © Mediaset.mk / 2020

error: