Симпатична сцена меѓу бебе горила и мало девојче стана хит на социјалните мрежи, откако нивната игра на влечење јаже доби неочекуван пресврт.
На снимката се гледа како малата горила се обидува да го надвладее девојчето, но и покрај упорноста, тешко успева да го повлече јажето на своја страна. Кога изгледало дека девојчето е пред победа, во играта се вмешала мајката на горилата.
Мајката му помогнала на своето малечко да го повлече јажето, со што ситуацијата целосно се променила. Сцената веднаш ги насмеала присутните, а снимката брзо се проширила на социјалните мрежи.
Корисниците со шеги го коментирале потегот на мајката, велејќи дека малата горила едноставно повикала „засилување“ кога сфатила дека сама не може да победи. Други се пошегувале дека мајката го применила правилото „моето дете не смее да изгуби“.
Една обична детска игра така се претворила во урнебесна сцена која ги освои социјалните мрежи – доказ дека кога мама е на ваша страна, победата е многу поблиску.
