Српската поп-ѕвезда Јелена Карлеуша најави дека нејзиниот концерт во Скопје, закажан за 17 октомври, ќе донесе и специјални музички изненадувања. Меѓу гостите ќе биде и Бојан Јовановски, познат како Боки 13, за кого пејачката има посебни пофалби.
„Она што е сигурно, тоа е мојот пријател Боки 13. Тој има две нови песни кои се големи хитови и во Србија. Многу ми е мило што ќе биде дел од ова шоу. Инаку, Боки 13 мене како муза ме прати многу долго“, изјави Карлеуша.
Но, Боки 13 нема да биде единственото изненадување за публиката. Карлеуша најави и гостин од Србија со кого ќе испее неколку дуети, но неговиот идентитет засега го чува во тајност.
„Имаме уште еден гостин од Србија, со кој ќе испееме неколку дуети, но ќе видите на 17 октомври кој ќе биде тој“, откри пејачката.
