Бојан Јовановски – Боки 13 настапи на синоќешниот концерт на Јелена Карлеуша во Скопје, каде што изведе неколку песни, а публиката во еден глас го пееше и неговото најново музичко остварување „Све“.
Боки 13 најпрво се појави на сцената покрај Карлеуша, со која во дует ја изведе „Калигула“. Потоа следуваше „13 причини“, дуетот со Давор Арџиќ, а настапот го заокружи со „Све“.
Токму заедничкото пеење на „Све“ беше еден од моментите што Боки 13 ги сподели на социјалните мрежи по концертот. На снимките се слуша како присутните го придружуваат додека настапува на сцената.
„Скопје во еден глас – фала ви! F**k haters. Спектакл на деценијата“, напиша Боки 13 под една од објавите, не криејќи го задоволството од настапот и реакцијата на публиката.
Неговото појавување беше дел од концертната вечер на Јелена Карлеуша во Скопје, на која, покрај нејзините песни, публиката имаше можност да проследи и заеднички изведби со гостите на сцената.
