Бојан Јовановски, познат како Боки 13, тврди дека знае кои се лицата што стојат зад кражбата во неговиот дом и дека ги знае нивните имиња и презимиња.
Во „Вечер во Охрид со Ландов и Вик“ тој проговори за неодамнешните настани во неговиот дом, вклучително и кражбата, оштетувањето на покривот и неговиот автомобил.
„Да ви кажам дека знам кои се крадците. Нека си го приберат умот. Ако го гледаат ова или ако некој им пренесе – знам име и презиме, знам кои се и што се“, изјави Јовановски.
Тој не откри имиња, не наведе дали сознанијата ги пријавил во полиција и не соопшти врз основа на што ги идентификувал осомничените.
„Ми зедоа, навистина ми зедоа многу работи“, додаде Боки 13.
Јовановски рече дека автомобилот и покривот во меѓувреме се поправени, но дека украдените предмети тешко ќе бидат вратени.
„Покривот е направен, автомобилот е во ред. Само украденото не се врати. Тешко дека тоа ќе се врати, но ајде“, изјави тој.
