Неочекувана и симпатична сцена се случи на Античкиот театар во Охрид за време на настапот на Јелена Томашевиќ и Иван Босиљчиќ.
Додека Томашевиќ беше на сцената, на неа слетала бубачка, по што пејачката панично изреагирала.
Босиљчиќ веднаш дотрчал до неа и се обидел да ја тргне бубачката, а целиот момент го претворил во шега што ја насмеала публиката.
„Кога некој ми ја допира жената – завршува на под“, напиша Босиљчиќ во објавата со видеото.
Томашевиќ и Босиљчиќ се сопружници, па неговата реакција дополнително ја развесели публиката на Античкиот театар.
Наместо инцидент, кратката паника на сцената заврши со смеа и момент кој стана една од позабавните сцени од нивниот настап во Охрид.
