Џенифер Лопез повторно привлече внимание со својот моден избор, овојпат за време на прошетка низ Рим, покажувајќи поопуштен стил од оној на кој јавноста е навикната.
Популарната пејачка и актерка летниот одмор го минува во Италија со своето семејство, а деновиве покажа дека подеднакво добро ѝ прилегаат и лежерните комбинации, како и гламурозните сценски изданија по кои е препознатлива.
За прошетка низ италијанската престолнина таа избра лесен летен фустан без ракави, кој го комбинираше со свилена марама на главата, очила за сонце, плетена чанта и рамни сандали.
Друштво ѝ правеа нејзините близнаци, Ема и Макс, кои оваа година го напуштија семејниот дом поради студиите.
Со ова модно издание Џенифер Лопез уште еднаш потврди дека едноставноста и елеганцијата можат да одат рака под рака, дури и надвор од црвениот тепих.
