Аргентинецот Родриго Де Пол направи убав гест на натпреварот против Монтереј – голот му го посвети на Лионел Меси.
Де Пол во 32. минута постигна атрактивен гол, испраќајќи ја топката во мрежата од дваесетина метри, прецизно погодувајќи го долниот агол. Потоа направи емотивен гест во чест на својот сонародник, пријател и соиграч.
Го соблече дресот под кој носеше друг, познатиот дрес со бројот 10 и името на легендарниот аргентински ас. Меси, кој го пропушти натпреварот поради смртта на неговиот татко, Хорхе.
Гестот на Де Пол беше проследен со долг аплауз од трибините.
Сепак, Интер Мајами не успеа да ја задржи предноста.
Гостите возвратија преку Белгиецот Уго Кујперс и Диего Роси и направија пресврт за победа.
Натпреварот се одигра во рамките на Купот на лигите, натпреварување во кое учествуваат клубови од САД, Мексико и Канада.
