Само два дена пред четвртфиналниот натпревар меѓу Англија и Норвешка на Светското првенство, видеото создадено со помош на вештачка интелигенција стана вистински хит на социјалните мрежи, собирајќи милиони прегледи.
Во видеото е прикажана драматична историска приказна инспирирана од раниот среден век и нападите на Викинзите врз Британските Острови. Главните улоги им се доверени на најголемите ѕвезди на двете селекции – Ерлинг Халанд и Хари Кејн, кои се претставени како средновековни воини во автентична борбена опрема.
Со импресивни визуелни ефекти и филмска атмосфера, видеото за кратко време стана вирално и дополнително ја подигна возбудата пред пресметката меѓу двете репрезентации.
Четвртфиналниот дуел меѓу Англија и Норвешка е закажан за 11 јули, а победникот ќе обезбеди место во полуфиналето на Мундијалот.
