Слаткаристика е на турнеја во Англија, каде пред бројна македонска публика ги изведува своите најголеми хитови, а еден од настапите беше и во „Оксфорд таун хол“ во Оксфорд.
Македонците кои живеат таму го пречекаа со громогласен аплауз и овации, а Слаткаристика им возврати со емотивна порака.
„Јас сум Слаткаристика и ве сакам најмногу на цел свет“, им порача тој на присутните.
Публиката во Оксфорд заедно со него ги пееше неговите најпознати песни, а атмосферата кулминираше со овации од присутните Македонци.
Настапот во Оксфорд е дел од неговата турнеја во Англија, во чии рамки Слаткаристика настапува и на повеќе локации во Лондон.
Турнејата уште еднаш покажа дека неговите песни имаат своја публика и далеку од Македонија, а Македонците во Англија ја искористија можноста за вечер исполнета со македонска музика и дружење.
