Во американската сојузна држава Флорида, неколкумина непознати луѓе спречиле можна трагедија откако жена зад воланот изгубила свест додека возела низ прометна крстосница.
Инцидентот се случил во Бојнтон Бич кога автомобилот на жената продолжил да се движи кон лентите со возила од спротивната насока. Една жена која ја препознала возачката веднаш се обидела да го запре автомобилот, но не успеала сама. На помош брзо ѝ се придружиле и други возачи, кои ги напуштиле своите автомобили и заеднички го запреле возилото.
На жената ѝ била укажана медицинска помош. Возачката, Лори Рабјор, подоцна објаснила дека изгубила свест откако зела лекови без претходно да јаде, а дополнително била и дехидрирана.
Благодарение на брзата реакција и солидарноста на присутните, ситуацијата завршила без поголема трагедија.
