Премиерата на третата сезона од HBO Original серијата „House of the Dragon“ ќе се одржи на 22 јуни на стриминг платформата HBO Max.
Премиерата на новата сезона на HBO каналот ќе биде истиот ден во 21:00 часот. Третата сезона, која има осум епизоди, ќе се емитува еднаш неделно, а финалето на сезоната е закажано за 10 август.
Базирана на романот „Fire & Blood“ од Џорџ Р. Р. Мартин, серијата е сместена 200 години пред настаните од „Game of Thrones“ и ја носи приказната за куќата Таргариен.
Во главните улоги се: Мет Смит, Ема Д’Арси, Оливија Кук, Стив Тусен, Рис Ифанс, Фабиен Франкел, Јуан Мичел, Том Глин-Карни, Соноја Мизуно, Хари Колeт, Бетани Антонија, Фиби Кембел, Фиа Сабан, Џеферсон Хол, Метју Нидем, Џејмс Нортон, Том Бенет, Киран Бју, Курт Егјаван, Фреди Фокс, Клинтон Либерти, Гејл Ранкин, Абубакар Салим, Том Кален, Томи Фланаган, Ден Фоглер, Џоплин Сибтајн и Бери Слоун.
Креатор, шоуранер и извршен продуцент е Рајан Кондал, заедно со коавторот и извршен продуцент Џорџ Р. Р. Мартин.
Извршни продуценти се и Сара Хес, Мелиса Бернстин, Кевин де ла Ној, Винс Џерардис, Дејвид Хенкок и Филипа Гослет. Серијата е базирана на романот „Fire & Blood“ од Џорџ Р. Р. Мартин.
Првите две сезони од „House of the Dragon“ веќе се достапни на HBO Max стриминг платформата.
