Игор Џамбазов сподели дел од атмосферата од својот нов дом во Дојран, од каде што се протега поглед кон Дојранското Езеро. Актерот, музичар и шоумен на својот профил на Инстаграм објави снимки од утринската глетка и прекрасното изгрејсонце над езерото.
„Добро утро, Македонијо. Сакав само да го споделам со вас ова прекрасно дојранско изгрејсонце“, вели Џамбазов во објавеното видео.
Новиот дом се наоѓа на падините над Дојран, со големи прозорци поставени така што од куќата се отвора поглед кон езерото.
Изградбата на куќата започнала во 2024 година, а проектот го изработиле сестрата на Џамбазов, архитектката Татјана Џамбазова, која живее во САД, и нејзината колешка Тања.
Домот е на два ката, а како што се гледа од објавените снимки, неговата местоположба овозможува поглед кон Дојранското Езеро.
Пере од „Нокаут“, долгогодишен пријател и соработник на Џамбазов, летово објави и снимки од почетокот на изградбата, на кои се гледа како изгледало местото во почетната фаза од изградбата.
