Несекојдневно музичко изненадување се случи во Италија, каде што Јанко и Николас од Колумбија ги изненадија Албанците од Македонија со изведба на македонска песна.
Особено внимание привлекува Јанко, кој, иако доаѓа од далечната Колумбија, пее македонски песни и со голема љубов ја негува македонската музика. Тој е лидер на музичката банда „ВардарАнди“, преку која ја претставува македонската музика и нејзиниот мелос пред публика надвор од Македонија.
Заедно со Николас, Јанко приреди пријатно изненадување за присутните во Италија, покажувајќи дека музиката ги надминува јазичните и културните граници и може да ги поврзе луѓето без оглед на нивното потекло.