Необична глетка во трговски центар во кинескиот град Ченгду привлече внимание откако маж беше забележан како се шета држејќи за рака мал хуманоиден робот, однесувајќи се кон него како кон мало дете што го извел на прошетка.
Сцената се случила во трговскиот центар „МиксСи Ченгду“, каде што очевидци забележале како мажот и роботот се движат низ комплексот со бавно темпо, држејќи се за рака.
Хуманоидните роботи во изминатата година сè почесто можат да се забележат во кинеските градови, главно како дел од презентации на технолошки компании или како атракција во трговските центри. Сепак, оваа сцена привлече внимание поради опуштениот и секојдневен начин на кој мажот се однесувал кон роботот, како да е вообичаена прошетка со дете.
На снимката не се наведени производителот на роботот ниту дали станува збор за однапред организирана промоција.
