Јелена Карлеуша повторно ги привлече погледите на јавноста откако српските медиуми објавија снимка на која, како што наведуваат, поп-ѕвездата се бакнува со 23-годишниот манекен Александар Шево. Снимката ги засили шпекулациите дека двајцата се во љубовна врска.
Моментот бил забележан за време на промоцијата на новиот албум на Сека Алексиќ, на која присуствувале бројни познати музички имиња. Карлеуша се појавила облечена во парчиња од модната куќа „Гучи“, а по позирањето пред фотографите, камерите на српскиот „Телеграф“ ја снимиле во друштво на Шево.
За нив двајца се шпекулираше и претходно, откако биле забележани заедно во Милано и во Црна Гора. Пред да започнат гласините за нивната романса, Карлеуша и манекенот соработувале и професионално. Шево се појавува во нејзиниот музички спот за песната „Balkan Boy“.
Александар е син на српскиот претприемач Милан Шево, кој, според српските медиуми, се занимава со угостителство во Шведска и е сопственик на елитен ресторан во Белград.
Извор за српскиот „Курир“ го опишал Милан како ценет човек во деловните кругови, кој не сака да се експонира во јавноста, и додал дека неговиот син го наследил шармот и сака да биде опкружен со убави жени и да учествува во јавниот живот.
