Каролина Гочева синоќа приреди вистински музички спектакл на големата прослава по повод 50 години од постоењето на Општина Гази Баба, која се одржа на плоштадот во Автокоманда.
Пред повеќе од 20.000 граѓани, Каролина ги отпеа своите најпознати песни, а публиката ги пееше заедно со неа.
На репертоарот беа нејзините големи хитови, меѓу кои „Умирам без тебе“, „Хипокрит“, како и „Немир“ – песната која Каролина ја изведува со Тоше Проески. Публиката ги препејуваше стиховите од почеток до крај, а секој хит беше проследен со громогласни реакции.
Каролина беше само еден дел од богатата музичка програма на јубилејната прослава. На сцената настапија и Мелани Тарчуловска, Огнен Здравковски, 2Бона и Пеѓа Јовановиќ.
Плоштадот во Автокоманда беше исполнет со музика и публика од сите генерации.
