Необична сцена од кинескиот град Лињи привлече внимание откако огромен дрон беше снимен како прска куче со вода сред улица.
Станува збор за демонстрација организирана од компанија од градот, која на овој начин ги претставила можностите на својата нова технологија со беспилотни летала.
Иако сцената изгледа необично, дронот всушност е наменет за сосема поинаква примена – прскање вода врз соларни панели со цел да се отстранат прашината и нечистотијата што се наталожуваат на нив.
Демонстрацијата покажала дека технологијата може да се користи за ефикасно чистење на големи соларни површини, без потреба од директен пристап до панелите.
