Во првата епизода од новата сезона на „Нешто конкретно“ една од гостите беше и поранешната на Кајмаковски со кого и јавно зборуваше дека не е во добри односи, па во емисијата Кристина Димитри на прашањето од водителката дали жената или мајката треба да го научи машкото да стане вистински маж одговори:
- Теле се учи ама кога ќе порасне тоа теле тешко!, алудирајќи на тоа дека од дома доаѓа сè.
Продолжувајќи го разговорот таа образложи и дека не верува во тоа ако нејзиниот поранешен би бил во војска дека би се променил и додаде:„Јас го препуштив во друго школо таму нека го учат“.
Во емисијата чија тема беше дали да се врати воениот рок гости беа и Гораст Цветковски, Владимир Четкар и Генералот Стојанче Ангелов.
Гораст раскажа дека дедо му „го расипал“ со тоа што кога го регрутирале донел потврда дека ќе оди на факултет.
А имаше и оригинален одговор на прашањето зошто оние кои одлучуваат да одат на воена служба се викаат Питомци? Снеже алудираше на тоа дали се „диви“ па се припитомуваат, а Гораст одговори дека Питомци доѓа од змијата Питон оти во војска одат само мажи (со питоните)
Генералот Стојанче Ангелов пак одговори дека е против присилно враќање на задолжителен воен рок потенцирајќи дека и денес постои доброволен воен рок ама војската мора да се направи атрактивна за да некој одлучи да се пријави.Раскажа и случка како кога бил командир ги терал војниците да пејат македонски песни со тоа борејќи се против Турбо Фолкот
Музичарот Четкар кој располага со извонреден хумор нагласи дека дисциплината и мотивацијата треба секој да си ја најде сам оти војската не може тоа да го направи за него
А на прашањето што попрво би правел во војска Чистење тоалети или не менување долна облека повеќе од 5 дена.Одговори:Мене рацете за уметност ми се, ќе си носам 5 дена чорапи и гашти-имат разни фетиши.
Нешто конкретно се емитува секоја недела во 17 часот на Телма телевизија.
