Наместо младенците, вниманието на дел од гостите на една венчавка во Калифорнија го привлекол сосема неочекуван „гостин“ – маж без маица кој од хотелскиот балкон го следел целиот настан.
Венчавката се одржала на 18 јули на отворено, во хотелот „Estancia La Jolla“ во Калифорнија. Церемонијата се одвивала во хотелската градина, а гостите кои престојувале во собите со поглед кон дворот можеле да ја следат од своите балкони.
Авторката на снимката, која сакала да остане анонимна, ја гледала венчавката од балконот на третиот кат со своето момче. Во еден момент двајцата го забележале мажот во зградата спроти нив.
Тој стоел на балконот без маица и гледал директно кон местото каде што се одвивала церемонијата, практично на самиот крај од патеката по која минувале гостите.
„Мислевме дека ќе се тргне. Мора да му е јасно дека стои токму на крајот од патеката и дека сите ќе го видат“, раскажала авторката за „People“.
Но мажот не се поместил. Наместо тоа, продолжил да ја следи церемонијата, па таа го извадила телефонот и почнала да снима.
„Морав да го снимам тој момент. А да не зборувам за тоа дека изгледаше како супермодел“, раскажала таа, додавајќи дека и една жена во нејзина близина покажувала кон мажот.
Снимката не останала само како приватна анегдота. Неколку дена по венчавката била објавена на TikTok, каде што за кратко време станала вирална.
Видеоснимката досега има повеќе од 19,3 милиони прегледи, 3,7 милиони допаѓања и околу 18.000 коментари.
Авторката во описот на видеото напишала: „Господинот ВЕЌЕ ја става НЕА на тест“, што дополнително ги поттикнало корисниците да се пошегуваат со ситуацијата.
Многумина се шегувале дека присуството на атрактивниот маж на балконот било своевиден „прв тест на искушението“ за невестата.
„Ова ќе беше најбавниот од на невестата до олтарот“, напишала една корисничка. Друга се пошегувала дека би прошетала директно низ грмушката за да помине поблиску до него.
Во коментарите се вклучил и официјалниот профил на „Tinder“ со прашањето: „Дали ова е некаков знак?“
Авторката на снимката вели дека реакциите на корисниците ја забавувале.
„Луѓето беа исклучително духовити и креативни“, рекла таа.
