Бојан Јовановски – Боки 13 настапи пред публиката во Штип, каде што покрај свои песни изведуваше и познати македонски и балкански хитови.
На репертоарот се најдоа песни од различни генерации – од евергрините на Владо Јаневски, до „Романија“ на Халид Бешлиќ. Боки 13 го испеа и детскиот хит „Во светот на бајките“.
Сепак, вечерта за него завршила неславно. По настапот, Боки 13 објави дека паднал и се повредил.
„И на крај паднав и се утепав. Нога, рака, лакт, баксуз. Сѐ ме боли, сѐ“, напиша Боки 13.
Настапот е дел од неговото враќање на музичката сцена. По концертот во Битола, Боки 13 најави дека следуваат и концерти во Скопје и Белград.
