Објавен е првиот тизер за новата серија „Baywatch“, со пораката „Иста плажа, нова крв“.
Главната ѕвезда на серијата, Стивен Амел, на својот Инстаграм профил го сподели првиот трејлер, давајќи им на фановите прв поглед на новата верзија на култната серија.
„Сонувам во забавена снимка“, напиша Амел покрај видеото. Во краткиот тизер се појавуваат тој и неговите колешки Брукс Нејдер, Ливи Дан и Џесика Белкин, облечени во препознатливите црвени костими за капење.
Во актерската екипа се и Шеј Мичел, Хеси Харисон, Ноа Бек и Дејвид Чокачи, кој повторно ќе ја толкува улогата на Коди Медисон.
Според синопсисот, приказната го следи Хоби Бјукенон, омилениот лик од оригиналната серија, кој сега е капетан на спасувачката служба и ги следи стапките на својот татко Мич. Неговиот живот се менува кога се појавува Чарли, ќерката за која не знаел дека постои.
Премиерата на новиот „Baywatch“ е закажана за јануари 2027 година.
Оригиналната серија „Baywatch“ премиерно беше прикажана во 1989 година и стана една од најгледаните серии во светот, емитувана во повеќе од 200 земји. Серијата ги прослави Дејвид Хаселхоф и Памела Андерсон.
