Песни од Каролина Гочева одекнаа на Националната арена „Тодор Проески“ во Скопје пред настапот на светската диџеј-ѕвезда Дејвид Гета.
За загревањето на публиката пред главниот настап беа задолжени и македонските диџеи од SEMPRE Music, кои во својот сет вклучија песни од Каролина.
Моментот не остана незабележан ниту од пејачката, која јавно им се заблагодари на момците од SEMPRE за тоа што нејзината музика беше дел од атмосферата на стадионот пред настапот на Гета.
Македонските песни така добија свое место во загревањето на публиката пред еден од најголемите електронски настапи во Скопје, а SEMPRE уште еднаш го продолжи концептот во своите сетови да вградува домашна музика во современ електронски звук.
